Wozjewjenje nastupajo škit datow
A. Smy za Waše daty zamołwići
Jako wopytowarjo našeje web-strony njewočakujeće jenož kwalitu
a kompetencu při poskitkach a posłužbach našeho předewzaća, ale
tež při wužiwanju Wašich wosobinskich datow.
Smy za wobchadźenje z Wašimi wosobinskimi datami zamołwići,
kotrež po Europskim zakładnym postajenju za škit datow (DSGVO),
dalšich europskich a němskich zakonjach za škit datow a po Wašich
předpodaćach wužiwamy. Wosobinske daty su daty, přez kotrež
hodźi so wosoba identifikować. My Waše wosobinske daty jenož
wužiwamy, hdyž je to prawnisce dowolene abo sće-li tomu do toho
přihłosowała/a.
mjeno a adresa zamołwiteho:
Załožba za serbski lud
Póstowe
naměsto 2
02625 Budyšin
To je póstowa adresa, na kotrejž nas docpějeće. Dalše
kontaktne informacije, kontaktna wosoba a obligatoriske podaća steja
tež w impresumje.
Nam je wažne, zo móžeće ze slědowacych pokiwow kóždy čas
zhonić, kotre wosobinske daty zběramy, dołhož so na našej
web-stronje rozhladujeće a hdyž naše posłužby wužiwaće, a kak
je potom wužiwamy.
Wudźělamy tež nadawki posłužbarjam, kotřiž Waše daty w
našim nadawku za deleka podate zaměry wužiwaja. To su na př.
partnerojo za zwičnjowanje, ćišćernje, lettershopy, callcentery,
předewzaća za logistiku a ličenske centrumy.
B. Naš zamołwity za škit datow
Maće-li prašenja nastupajo škit abo wěstotu datow, napišće
našemu zamołwitemu za škit datow mailku na adresu t.albert@dids.de
abo z póstom: Załožba za serbski lud, zamołwity za škit datow,
Póstowe naměsto 2, 02625 Budyšin.
C. Powšitkowne pokiwy nastupajo wužiwanje datow
I. Wěstota Wašich datow
Staramy so wo techniske a organizatoriske naprawy, z kotrymiž
Waše wosobinske daty před tym škitamy, zo so – wotpohladnje abo
njewotpohladnje – manipuluja, zhubja abo zniča abo zo maja
njewoprawnjeni k nim přistup a zo bychmy Waše prawa kaž tež
dodźerženje postajenjow EU a Zwjazkoweje republiki Němskeje za
škit datow zaručeli.
Naše naprawy maja dowěrnosć a integritu Wašich datow zaručeć
a zdobom garantować, zo su systemy a słužby při wužiwanju Wašich
datow stajnje spušćomnje k dispoziciji. Nimo toho maja daty w padźe
fyziskeho abo techniskeho defekta zaso spěšnje přistupne być.
Jedna naša wěstotna naprawa je koděrowanje Wašich datow.
Wšitke informacije, kotrež online zapodaće, technisce koděrujemy
a hakle potom je dale sposrědkujemy. Njewoprawnjeni tute informacije
tuž ženje widźeć njemóža.
Wužiwanje datow z našeje strony kaž tež wěstotne naprawy
wotpowědnje technologiskemu wuwiću stajnje polěpšamy.
Naši sobudźěłaćerjo su so pisomnje k dowěrnosći a
wobkedźbowanju narokow DSGVO zawjazali.
II. Wobjim wužiwanja wosobinskich datow
Wosobinske daty našich wužiwarjow zasadnje jenož wužiwamy,
hdyž je to za poskićenje fungowaceje web-strony kaž tež našich
wobsahow a wukonow trěbne. Wuměnjenje za wužiwanje wosobinskich
datow našich wužiwarjow je, zo su tomu přihłosowali.
Hinak so z tym ma, hdyž so přihłosowanje z faktiskich přičin
do časa wobstarać njehodźi, zakonske předpisy pak wužiwanje
tutych datow dowoleja.
III. Prawniski zakład za wužiwanje wosobinskich
datow
Wobstaramy-li sej za wužiwanje wosobinskich datow
přihłosowanje potrjecheneje wosoby, słuži art. 6 wotst. 1 pism.
a (DSGVO) jako prawniski zakład.
Při wužiwanju wosobinskich datow, kiž su za spjelnjenje
zrěčenja trěbne a kotrehož jedyn partner je potrjechena wosoba,
słuži art. 6 wotst. 1 pism. b DSGVO jako prawniski zakład. To
płaći tež za procesy wužiwanja, kotrež su za přewjedźenje
naprawow do wotzamknjenja zrěčenja trěbne.
Je-li wužiwanje wosobinskich datow za spjelnjenje
prawniskeho zawjazka trěbne, kotryž za naše předewzaće płaći,
słuži art. 6 wotst. 1 pism. c DSGVO jako prawniski zakład.
W padźe, zo je wužiwanje wosobinskich datow
eksistencielnych zajimow potrjecheneje wosoby abo druheje přirodneje
wosoby dla trěbne, słuži art. 6 wotst. 1 pism. d DSGVO jako
prawniski zakład.
Je-li wužiwanje za zachowanje woprawnjeneho zajima našeho
předewzaća abo někoho dalšeho trěbne a njesteja-li zajimy,
zakładne prawa a zakładne swobody potrjecheneho nad tutym zajimom,
słuži art. 6 wotst. 1 pism. f DSGVO jako prawniski zakład.
IV. Hasnjenje datow a doba składowanja
Wosobinske daty potrjecheneje wosoby hasnjemy abo znjepřistupnimy,
ručež zaměr składowanja wjace njewobsteji. Daty smědźa so dlěje
składować, hdyž to europske abo zakonjedawarstwo jednotliwych
statow w postajenjach, zakonjach abo dalšich předpisach europskeho
prawa, po kotrychž ma so zamołwity měć, předwidźi. Daty so tež
znjepřistupnja abo hasnu, hdyž je doba składowanja nimo, kotruž
mjenowane normy předpisuja, chibazo je jich dalše składowanje za
wotzamknjenje abo spjelnjenje někajkeho zrěčenja trěbne.
Konkretnje podata doba składowanja móže so
podlěšić, hdyž wobsteji za jednotliwy pad – předewšěm, jeli
so daty za wšelake zaměry wužiwaja – přez zakoń abo zrěčenje
dlěša doba składowanja.
V. Što su obligatoriske podaća abo
obligatoriske pola?
Za pola, kiž su w masce jako obligatoriske abo z hwěžku ( * )
woznamjenjene, je zapisanje datow pak přez zakoń abo přez zrěčenje
předpisane resp. hdyž my tute daty za wotzamknjenje zrěčenja,
poskićenje posłužby abo podaty zaměr trjebamy. Hač daty do
tutych polow zapisaće abo nic, rozsudźiće wězo Wy. Njezapisanje
pak móže wuskutkować, zo zrěčenje spjelnić resp. posłužbu
wukonjeć njemóžemy abo zo so podaty zaměr njedocpěje.
VI. Wužiwanje datow w detailu a Waše prawa jako
potrjecheny/a
Tule Wam nadrobnje rozłožimy, kak daty wužiwamy. Naše pokiwy
smy do slědowacych wobłukow rozrjadowali:
pokiwy k jednotliwym wobłukam, serwisam a funkcionaliće
web-strony: wotrězk D
pokiwy k jednotliwym analyzam a wuhódnoćenjam na
web-stronje: wotrězk E
pokiwy k zatwarjenju pluginow a toolow: wotrězk F
Waše prawa jako potrjecheny/a: wotrězk G
D. Jednotliwe wobłuki, serwisy a funkcionalita
web-strony
I. Kontakt z mailku
1. Wopisanje a wobjim wužiwanja datow
Kontakt je přez poskićenu/e mailowu/e adresu/y móžny. W tutym
padźe so z mailku sposrědkowane wosobinske daty wužiwarja
składuja.
Daty so nikomu dalšemu njesposrědkuja. Wužiwaja so jeničce za
wobdźěłanje konwersacije.
Podaća z Wašeho naprašowanja składujemy po jeho wotmołwjenju
regularnje tři měsacy za ewentualne dalše naprašowanja, chibazo
so wo słužbne abo wikowanske listy jedna, kotrež znajmjeńša šěsć
do dźesać lět składujemy.
2. Prawniski zakład za wužiwanje datow
Prawniski zakład za wužiwanje datow twori art. 6 wotst. 1 pism.
a DSGVO, předleži-li přihłosowanje wužiwarja.
Prawniski zakład za wužiwanje datow, kotrež so w zwisku z
připósłanej mailku sposrědkuja, twori art. 6 wotst. 1 pism. f
DSGVO. Dźe-li při mailowym kontakće wo wotzamknjenje zrěčenja,
twori art. 6 wotst. 1 pism. b DSGVO přidatny prawniski zakład.
3. Zaměr wužiwanja datow
Wužiwanje wosobinskich datow słuži nam jeničce za wobdźěłanje
nawjazanja kontakta. Stanje-li so to z mailku, wuchadźa z toho tež
trěbny woprawnjeny zajim za wužiwanje datow.
Dalše wosobinske daty, kiž so w běhu wotpósłanja wužiwaja,
słuža zaručenju našich informacisko-techniskich systemow.
4. Doba składowanja
Daty so hasnu, ručež njejsu wjace za spjelnjenje zaměra trěbne,
kotrehož dla buchu registrowane. Za wosobinske daty, kiž so z
mailku sposrědkowachu, tole płaći, hdyž je konkretna konwersacija
z wužiwarjom skónčena. A to wona je, hdyž wobstejnosće wo tym
swědča, zo je naležnosć doskónčnje zrjadowana.
Dalše wosobinske daty, kiž buchu w běhu wotpósłanja přidatnje
registrowane, hasnjemy najpozdźišo za sydom dnjow.
5. Móžnosć znapřećiwjenja a wotstronjenja
datow
Wužiwar móže swoje přihłosowanje k wužiwanju wosobinskich
datow kóždy čas cofnyć. Hdyž so z mailku z nami skontaktuje,
móže składowanju swojich wosobinskich datow kóždy čas
znapřećiwić. Potom pak konwersaciju hižo pokročować njemóžemy.
II. Registrowanje
1. Wopisanje a wobjim wužiwaja datow
Na našej internetnej stronje maja wužiwarjo móžnosć so
registrować, hdyž swoje wosobinske daty podadźa. Daty zapisaja do
maski. Hdyž smy je dóstali, je składujemy a nikomu dalšemu
njesposrědkujemy. Wo slědowace daty so při registrowanju jedna:
stajni hosćo
zarjadowarjo/gastronomojo
mjeno
předmjeno
adresu (dróhu, čo. domu, póstowe čisło)
mailowu adresu
telefoniske čisło
Při registrowanju so zdobom slědowace daty składuja:
IP-adresa wužiwarja
datum a čas registracije
Při procesu registrowanja wužiwarja wo to požadamy, zo
wužiwanju tutych datow přihłosuje.
2. Prawniski zakład za wužiwanje datow
Prawniski zakład za wužiwanje datow twori art. 6 wotst. 1 pism.
a DSGVO, předleži-li přihłosowanje wužiwarja.
Słuži-li registrowanje spjelnjenju zrěčenja, kotrehož jedyn
partner je wužiwar, abo přewjedźenju naprawow do wotzamknjenja
zrěčenja, twori art. 6 wotst. 1 pism. b DSGVO přidatny prawniski
zakład za wužiwanje datow.
3. Zaměr wužiwanja datow
Registrowanje wužiwarja je trěbne, zo bychmy jemu na našej
web-stronje wěste wobsahi a wukony poskićeć móhli.
Tute registrowanje so jenož stawa, hdyž so jako zarjadowar abo
wužiwar/stajny hósć zapisaće:
jako wužiwar: Ze swojim loginom móžeće sej Waše zarjadowanja
nastajić a je wobdźěłać abo hasnyć.
jako stajny hósć: Ze swojim loginom móžeće zarjadowanja na
lisćinu Was zajimowacych zarjadowanjow sunyć, kotraž Wam tež při
přichodnym starće browsera zaso k dispoziciji steji.
Registrowanje wužiwarja je za spjelnjenje zrěčenja z wužiwarjom
abo za přewjedźenje naprawow do wotzamknjenja zrěčenja trěbne.
Chceće-li serwis premiumoweho zapiska wužiwać, za kotryž ma so
płaćić, dyrbiće tež bankowy zwisk podać, zo móžemy popłatk
wotknihować.
4. Doba składowanja
Daty so hasnu, ručež za spjelnjenje zaměra wjace trěbne
njejsu, kotrehož dla buchu registrowane.
To płaći za daty, kotrež buchu při registrowanju
sposrědkowane, hdyž so registrowanje z našeje internetneje strony
wotstroni abo změni.
To płaći za daty, kotrež buchu při registrowanju za
spjelnjenje zrěčenja abo za přewjedźenje naprawow do
wotzamknjenja zrěčenja zapodate, jeli za zwoprawdźenje zrěčenja
wjace trěbne njejsu. Tež po wotzamknjenju zrěčenja je móžno, zo
je składowanje wosobinskich datow partnera zrěčenja trěbne, zo
bychu so ze zrěčenja abo zakonjow wuchadźace zawjazki spjelnić
móhli.
5. Móžnosć znapřećiwjenja a wotstronjenja
datow
Jako wužiwar móžeće swoju registraciju kóždy čas
wotstronić. Daty, kiž su wo Was składowane, móžeće kóždy čas
změnić dać.
Chceće-li swoju registraciju změnić abo wotstronić, wočińće
po loginje prošu tutón link:
https://kalender.sorben.com/profil/aendern
.
Su-li daty za spjelnjenje zrěčenja abo přewjedźenje naprawow
do wotzamknjenja zrěčenja trěbne, móža so daty jenož potom
dočasa hasnyć, njeje-li ze zrěčenja abo ze zakonja wuchadźacych
zawjazkow, kiž to njedowoleja.
Prošu wobkedźbujće, zo so z hasnjenjom Wašeje registracije
wšitke zarjadowanja, kotrež sće do protyki zapisał/a, hnydom
wotstronja – zašłe, kotrež byšće za kopěrowanje wužiwać
móhł/a, kaž tež planowane, kotrež wužiwarjo potom wjace namakać
njemóža.
Waše daty – tež adresu, mailowu adresu a bankowy zwisk –,
składujemy, dołhož je za wotličenje Wašich premiumowych zapiskow
trjebamy.
III. Skazanki, abonementy, nawěški, dalše ze
zrěčenjom zwisowace naprašowanja
1. Wopisanje a wobjim wužiwanja datow
Při skazance, nawěšku abo dalšich ze zrěčenjom zwisowacych
naprašowanjach wužiwamy slědowace wosobinske daty:
daty z registrowanja
adresu (dróhu, čo. domu, póstowe čisło)
telekomunikaciske daty (e-mail, telefon)
daty za skazanku a/abo
daty za płaćenje,
a to najprjedy za wobdźěłanje resp. realizowanje skazanki,
nawěška abo dalšeho ze zrěčenjom zwisowaceho naprašowanja a za
wotličenje kóštow.
Při skazanju nimo toho slědowace daty składujemy:
IP-adresu wužiwarja
datum a čas registracije
Zo bychmy wo wobkrućenju, realizowanju abo skónčenju zrěčenja
rozsudźić móhli, móžemy w padźe přewzaća rizika za
njepłaćenje zličbowanki, wužiwajo Waše daty tež z podaćow w
adresy, pola inkasowych běrowow zwěsćenu prawdźepodobnosć
nastupajo Wašu kmanosć płaćenja a zwólniwosć k płaćenju
wotwołać a wužiwać.
Waše bankowe daty móžemy wotwisnje wot wašnja płaćenja, za
kotrež sće so rozsudźił/a, tež posłužbarjej sposrědkować,
kotryž płaćenje realizuje.
Daty, kiž su jako winowatostne woznamjenjene, su za wobdźěłanje
resp. realizowanje zrěčenja resp. za zestajenje zličbowanki
trěbne. Za wšelake skazanki, abonementy, nawěški resp. dalše ze
zrěčenjom zwisowace naprašowanja dyrbiće so najprjedy registrować
(hlej pod cyfru II.).
2. Prawniski zakład za wužiwanje datow
Prawniski zakład za wužiwanje datow k wobkrućenju a spjelnjenju
zrěčenjow kaž tež za přewjedźenje naprawow do wotzamknjenja
zrěčenja twori art. 6 wotst. 1 pism. b DSGVO.
Prawniski zakład za wužiwanje ze zaměrom rozsudźenja wo
wobkrućenju, přewjedźenju abo skónčenju zrěčenskeho poměra w
padźe přewzaća rizika njepłaćenja tworja art. 22 wotst. 2a DSGVO
a § 31 wotst. 2 kaž tež wotst. 1 čo. 4 BDSG.
3. Zaměr wužiwanja datow
Wužiwanje datow je za wozjewjenje, přirjadowanje a wotličenje
Wašich nawěškow trěbne.
4. Doba składowanja
Daty so hasnu, ručež wjace za spjelnjenje zaměra trěbne
njejsu, kotrehož dla buchu registrowane.
To płaći za daty, kotrež buchu při registrowanju
sposrědkowane, hdyž so registracija na našej internetnej stronje
hasnje abo změni.
To płaći za daty, kotrež buchu při registrowanju za
spjelnjenje zrěčenja abo přewjedźenje naprawow do wotzamknjenja
zrěčenja sposrědkowane, hdyž za zwoprawdźenje zrěčenja wjace
trěbne njejsu. Tež po wotzamknjenju zrěčenja je móžno, zo je
składowanje wosobinskich datow partnera zrěčenja trěbne, zo bychu
so ze zrěčenja abo ze zakonjow wuchadźace zawjazki spjelnić
móhli.
5. Móžnosć znapřećiwjenja a wotstronjenja
datow
Jako wužiwar móžeće swoje registrowanje kóždy čas
wotstronić. Wo Was składowane daty móžeće kóždy čas změnić
dać.
Chceće-li swoju registraciju změnić abo wotstronić, wočińće
po loginje prošu tutón link:
https://kalender.sorben.com/profil/aendern.
Su-li daty za spjelnjenje zrěčenja abo přewjedźenje naprawow
do wotzamknjenja zrěčenja trěbne, móža so daty jenož potom
dočasa hasnyć, njeje-li ze zrěčenja abo ze zakonja wuchadźacych
zawjazkow, kiž to njedowoleja.
Prošu wobkedźbujće, zo so z hasnjenjom Wašeje registracije
wšitke zarjadowanja, kotrež sće do protyki zapodał/a, hnydom
wotstronja – zašłe, kotrež byšće za kopěrowanje wužiwać
móhł/a, kaž tež planowane, kotrež wužiwarjo potom wjace namakać
njemóža.
Waše daty – tež adresu, mailowu adresu a bankowy zwisk –,
składujemy, dołhož je za wotličenje kóštow Wašich premiumowych
zapiskow trjebamy.
E. Analyzy a wuhódnoćenja na web-stronje
I. Přistupnosć web-strony a zestajenje
logfilow
1. Wopisanje a wobjim wužiwanja datow
Při wotwołanju našeje internetneje strony naš system daty a
informacije kompjuteroweho systema wotwołaceho ličaka kóždy raz
awtomatisce registruje.
To su slědowace daty:
informacije wo typje browsera a wužiwanej wersiji
zawodny system wužiwarja
provider wužiwarja za internetny serwis
IP-adresa wužiwarja
datum a čas přistupa
web-strony, z kotrychž system wužiwarja na našu
internetnu stronu přińdźe
web-strony, kotrež system wužiwarja přez našu
web-stronu wočini
Daty tež w logfilach našeho systema składujemy, nic pak
hromadźe z druhimi wosobinskimi datami wužiwarja.
2. Prawniski zakład za wužiwanje datow
Prawniski zakład za nachwilne
składowanje datow a logfilow twori art. 6 wotst. 1 pism. f DSGVO.
3. Zaměr wužiwanja datow
IP-adresu wužiwarja dyrbimy nachwilnje składować, zo by so
web-strona na jeho ličaku zjewić móhła. Dołhož wón z
web-stronu dźěła, dyrbimy jeho IP-adresu składować.
Logfile so składuja, zo bychmy fungowanje web-strony zaručeli.
Nimo toho móžemy web-stronu z datami optiměrować a wěstotu
našich informacisko-techniskich systemow garantować. Za zaměry
marketinga so daty w tutym zwisku njewuhódnoćeja.
Z tutych zaměrow wotwodźuje so tež naš woprawnjeny zajim za
wužiwanje datow po art. 6 wotst. 1 pism. f DSGVO
4. Doba składowanja
Daty so hasnu, ručež za spjelnjenje zaměra wjace trěbne
njejsu, kotrehož dla buchu registrowane.
Za daty, kiž su w logfilach składowane, je to najpozdźišo za
sydom dnjow. Daty móža pak so tež dlěje składować. Potom so
IP-adresy wužiwarja hasnu abo tak scuzbnja, zo je wotwołacy klient
hižo přirjadować njemóže.
5. Móžnosć znapřećiwjenja a wotstronjenja
datow
Za poskićenje web-strony je registrowanje datow a za fungowanje
internetneje strony jich składowanje w logfilach njewobeńdźomne.
Tohodla wužiwar w tutym nastupanju móžnosć znapřećiwjenja nima.
II. Powšitkowne přispomnjenja nastupajo
wužiwanje cookiejow
1. Što su cookieje a hdy so zasadźa?
Naša web-strona wužiwa cookieje. To su
tekstowe dataje, kotrež internetny bowser na kompjuterowym systemje
wužiwarja składuje resp. kiž so w internetnym browseru wužiwarja
składuja. Hdyž wužiwar web-stronu wotwoła, móže so cookie na
zawodnym systemje wužiwarja składować. Wón wopřija
charakteristiski slěd znamješkow, kiž při wotwołanju web-strony
jasne identifikowanje browsera zmóžnja. Cookieje słuža:
přijomnišemu wužiwanju našeje web-strony a optimalnemu
přiměrjenju Wašim potrjebam,
zmóžnjenju a zaručenju trěbnych techniskich funkcijow,
anonymnemu wuhódnoćenju wužiwanja našeje web-strony za
zaměry marketinga a optiměrowanje (webtracking),
respektowanju wotpokazanja cookiejow („opt-out“).
2. Zasadźenje cookiejow
Hdyž banerowe informacije na našej startowej stronje dale
aktiwnje wužiwaće, z toho wuchadźamy, zo zasadźenju cookiejow
přihłosujeće, zo by so naša internetna strona přijomnje wužiwać
hodźała a zo bychmy ju potrjebam wužiwarja optimalnje přiměrjeć,
dosah měrić a Waše wopyty na našej web-stronje za marketing a
optiměrowanje w pseudonymizowanej formje wuhódnoćić móhli
(webtracking).
3. Wotpokazanje/wotstronjenje cookiejow
Cokieje generelnje wotpokazać móžeće přez wotpowědne
nastajenje Wašeho web-browsera. Móžeće pak jón tež tak
nastajić, zo Wam zdźěli, hdyž cookie instaluje, abo zo cookieje
generelnje wotpokazuje abo wobmjezuje. Hdyž cookieje z web-browserom
deaktiwizujeće abo wobmjezujeće, pak njebudźeće wšelake funkcije
na našej web-stronje wjace wužiwać móc. Cookieje móžeće z
web-browserom kóždy čas hasnyć, tež awtomatisce. Na slědowacych
linkach móžeće so wo tutych móžnosćach za přewažnje wužiwane
browsery informować:
Jeli ničo druheho njenastajiće, zwostanu
cookieje, kiž maja trěbne techniske funkcije zmóžnjeć a zaručeć,
na Wašim nastroju, doniž browser njezačiniće. Dalše cookieje
ewentualnje dlěje na Wašim nastroju zwostanu.
III. Swójske cookieje
1. Wopisanje a wobjim wužiwanja datow
Zasadźujemy cookieje, zo byšće našu web-stronu přijomnišo
wužiwać móhł/a. Wěste elementy našeje internetneje strony sej
žadaja, zo móžemy wotwołacy browser tež identifikować, hdyž je
wužiwar na druhu web-stronu přešoł. Z cookiejemi so při tym
slědowace daty składuja a sposrědkuja:
Na našej web-stronje nimo toho cookieje wužiwamy, kiž zmóžnjeja
analyzowanje wašnja surfowanja wužiwarja. Z tym móža so slědowace
daty sposrědkować:
zapodate pytanske zapřijeća
kak často něchtó kotre strony wotwoła
kotre funkcije web-strony wužiwa.
Na tute wašnje registrowane daty wužiwarja z techniskimi
naprawami pseudonimizujemy. Daty njemóža so hižo wěstemu
wužiwarjej přirjadować, dokelž so z dalšimi wosobinskimi datami
njeskładuja. Při wotwołanju našeje web-strony dóstanje wužiwar
přez info-baner informaciju, zo cookieje za zaměry analyzy wužiwamy
kaž tež pokiw na tute wozjewjenje
nastupajo škit datow a na to, kak móže składowanju cookiejow z
browserom zadźěwać.
2. Prawniski zakład za wužiwanje datow
Prawniski zakład za wužiwanje wosobinskich datow w zwisku z
wužiwanjom cookiejow twori art. 6 wotst. 1 pism. f DSGVO.
3. Zaměr wužiwanja datow
Technisce trěbne cookieje tomu słuža, zo hodźi so web-strona
jednorišo wužiwać. A někotre funkcije našeje internetneje strony
njebychmy hewak poskićić móhli. Za nje je trjeba, zo so browser
tež po wužiwanju druheje web-strony zaso spóznaje. Za slědowace
funkcije cookieje trjebamy:
za fungowacy log-in
za składowanje lisćiny zajimawych zarjadowanjow, hdyž
wužiwar njeje přizjewjeny.
Daty wužiwarjow, kotrež přez technisce trěbne cookieje
zběramy, njewužiwamy za zestajenje profila wužiwarjow. Za analyzu
cookieje wužiwamy, zo bychmy kwalitu našeje web-strony a jeje
wobsahi polěpšeć móhli. Přez nje zhonimy, kak so naša
web-strona wužiwa a móžemy naš poskitk stajnje optiměrować. Z
tutym zaměrom zwisuje tež naš woprawnjeny zajim za wužiwanje
wosobinskich datow po art. 6 wotst. 1 pism. f DSGVO.
4. Doba składowanja, móžnosć znapřećiwjenja
a wotstronjenja datow
Cookieje so na ličaku wužiwarja składuja a wottam na našu
stronu sposrědkuja. Jako wužiwar maće z tym tež dospołnu
kontrolu, štož wužiwanje cookiejow nastupa. Hdyž nastajenje we
Wašim browseru změniće, móžeće sposrědkowanje cookiejow
deaktiwizować abo wobmjezować. Hižo składowane cookieje móžeće
kóždy čas hasnyć, tež awtomatisce. Hdyž cookieje za našu
web-stronu deaktiwizujeće, móže so stać, zo njemóžeće wjace
wšitke funkcije našeje web-strony dospołnje wužiwać.
Sposrědkowanju flash-cookiejow njemóžeće přez nastajenje
browsera zadźěwać, ale přez wotpowědne nastajenje flash playera.
IV. Web-analyza z Matomo (prjedy PIWIK)
1. Wobjim wužiwanja wosobinskich datow
Na našej web-stronje wužiwamy tool open-source-software Matomo
(prjedy PIWIK) za analyzu wašnja surfowanja našich wužiwarjow.
Software instaluje cookie na ličaku wužiwarja. Hdyž wón
jednotliwe strony našeje web-strony wotwoła, so slědowace daty
składuja:
tři byty IP-adresy systema wužiwarja
wotwołana web-strona
web-strona, z kotrejež je wužiwar na našu web-stronu
přišoł
podrjadowane strony, kotrež wužiwar z wotwołaneje strony
sem wočini
čas, kaž dołho wužiwar web-stronu aktualnje wužiwa
frekwenca wotwołanja web-strony.
Software běži při tym jenož na serwerach našeje web-strony.
Wosobinske daty wužiwarja so jenož tam składuja. Daty so nikomu
dalšemu njesposrědkuja.
2. Prawniski zakład za wužiwanje wosobinskich
datow
Prawniski zakład za wužiwanje wosobinskich datow wužiwarjow
twori art. 6 wotr. 1 pism. f DSGVO.
3. Zaměr wužiwanja datow
Wužiwanje wosobinskich datow zmóžnja nam analyzu wašnja
surfowanja našich wužiwarjow. Tute daty wuhódnoćiwši móžemy
informacije wo wužiwanju jednotliwych komponentow našeje web-strony
zestajeć. To nam pomha, zo móžemy web-stronu a jeje wužiwanje
stajnje polěpšeć. Z tym wšěm zwisuje tež naš woprawnjeny zajim
za wužiwanje datow po art. 6 wotst. 1 pism. f DSGVO. Z
anonymizowanjom IP-adresy spjelnjamy zajim wužiwarjow, zo jich
wosobinske daty dosahajcy škitamy.
4. Doba składowanja
Daty hasnjemy, ručež je za zaměry našeje analyzy wjace
njetrjebamy.
5. Móžnosć znapřećiwjenja a wotstronjenja
datow
Cookieje so na ličaku wužiwarja składuja a wottam na našu
stronu sćelu. Jako wužiwar maće tuž dospołnu kontrolu wo
wužiwanju cookiejow. Hdyž swój internetny browser wotpowědnje
nastajiće, móžeće přenjesenje cookiejow deaktiwizować abo
wobmjezować. Hižo składowane cookieje hodźa so kóždy čas
hasnyć, tež awtomatisce. Hdyž cookieje za našu web-stronu
deaktiwizujeće, njemóžeće snadź wjace wšitke jeje funkcije
dospołnje wužiwać. Wužiwarjam našeje web-strony skićamy tež
móžnosć opt-out z procesa analyzy. Informacije wo tym namakaće
tule: https://kalender.sorben.com/datenschutzerklaerung. Na tute
wašnje so dalši cookie we Wašim systemje instaluje, kotryž našemu
systemej signalizuje, zo nima daty wužiwarja składować. Jeli
wotpowědny cookie pozdźišo w swojim systemje hasnjeće, dyrbiće
opt-out-cookie znowa instalować.
Dalše informacije k nastajenjam Matomo-software za priwatnu sferu
- hlejće pod: https://www.matomo.org/docs/privacy.
F. Pluginy a toole
I. Socialne syće
Wužiwamy „Shariff“, z čimž so přez kliknjenje na button
facebooka seperatne browserowe woknješko z adresu na facebooku
wotwoła, hdźež móžeće zarjadowanje na swojim facebookowym
accounće wozjewić. Z našeje web-strony žane daty do socialnych
syćow bjez Wašeje aktiwity njesćeleće.
II. Google web-fonty
Tuta strona wužiwa za jednotne pokazanje wšelakich pismow tak
mjenowane web-fonty, kotrež google poskićuje. Hdyž sej někajku
stronu wočiniće, Waš browser trěbne web-fonty we Wašim
browsercachu wobstara, tak zo so teksty a pisma korektnje zjewja. Za
to dyrbi so Waš browser ze serwerami google zwjazać. Z tym google
zhoni, zo bu naša web-strona z Wašeje IP-adresy wotwołana.
Wužiwanje google web-font zmóžnja jednotne a přijomne pokazanje
našich online-poskitkow a woznamjenja woprawnjeny zajim w zmysle
art. 6 wotst. 1 pism. f DSGVO. Jeli Waš browser web-fonty
njepodpěruje, budźe Waš kompjuter standardne pismo wužiwać.
Dalše informacije wo gooogle web-fontach hlejće pod
https://developers.google.com/fonts/faq a
we wozjewjenju google wo škiće
datow: https://www.google.com/policies/privacy.
III. Analyza web-syće Matomo (prjedy Piwik)
1. Móžnosć znapřećiwjenja a wotstronjenja
datow
Cookieje so na ličaku wužiwarja składuja a wottam na našu
stronu sćelu. Jako wužiwar maće tuž dospołnu kontrolu nastupajo
wužiwanje cookiejow. Hdyž swój internetny browser wotpowědnje
nastajiće, móžeće přenjesenje cookiejow deaktiwizować abo
wobmjezować. Hižo składowane cookieje hodźa so kóždy čas
hasnyć, tež awtomatisce. Hdyž cookieje za našu web-stronu
deaktiwizujeće, njemóžeće snadź wšitke jeje funkcije wjace
dospołnje wužiwać. Wužiwarjam našeje web-strony skićamy tež
móžnosć opt-out z procesa analyzy. Na tute wašnje so dalši
cookie we Wašim systemje instaluje, kotryž našemu systemej
signalizuje, zo nima daty wužiwarja składować. Jeli wotpowědny
cookie pozdźišo w swojim systemje hasnjeće, dyrbiće
opt-out-cookie znowa instalować. Dalše informacije wo nastajenjach
Matomo-software za priwatnu sferu – hlejće pod:
https://www.matomo.org/docs/privacy".
G. Waše prawo jako potrjecheny/a
I. Móžnosć informacije
Chceće-li wědźeć, što z Wašimi wosobinskimi datami činimy,
Wam to wězo rady wujasnimy.
II. Prawo na korigowanje, hasnjenje, prawo na
wobmjezowanje wužiwanja a prawo na móžnosć přenjesenja datow
Při wotpowědnych zakonskich wuměnjenjach maće tež prawo na
korigowanje, hasnjenje, wobmjezowanje wužiwanja a na znapřećiwjenje
nastupajo wužiwanje Wašich datow. Při wotpowědnych zakonskich
wuměnjenjach maće prawo, swoje wosobinske daty, kotrež sće
zamołwitym k dispoziciji stajił/a, w strukturowanym, zwučenym a
elektronisce čitajomnym formaće dóstać.
III. Waša kontaktna wosoba
Prošu wobroćće su we wšěch tutych padach na našeho
zamołwiteho za škit datow (hlejće horjeka wotrězk B, hdźež su
adresy za komunikaciju z nim podate).
IV. Prawo na pohóršk pola zarjada, kiž škit
datow dohladuje
Nic naposledk maće tež prawo, so pola zarjada, kiž škit datow
dohladuje, hóršić.
V. Prawo na znapřećiwjenje
Maće prawo, z přičin, kiž z Wašeje specifiskeje situacije
wuchadźeja, kóždy čas wužiwanju Wašich wosobinskich datow na
zakładźe art. 6 wotst. 1 pism. e abo f DSGVO znapřećiwić; to
płaći tež za profiling, kiž so na tute postajenje zepěra.
Zamołwity njebudźe Waše wosobinske daty wjace wužiwać, chibazo
móže nuzne, škita hódne přičiny za to dopokazać, kotrež steja
nad Wašimi zajimami, prawami a swobodami, abo hdyž jich wužiwanje
přesadźenju, wukonjenju abo zakitowanju prawniskich narokow słuži.
Hdyž so Waše wosobinske daty za direktne wabjenje wužiwaja, móžeće
tomu kóždy čas znapřećiwić; to płaći tež za profiling, jeli
z direktnym wabjenjom zwisuje. Hdyž wužiwanju Wašich datow za
direktne wabjenje znapřećiwiće, njebudu so Waše wosobinske daty
za to wjace wužiwać. Maće móžnosć, w zwisku z wužiwanjom
słužbow informaciskeje towaršnosće – najebać směrnicy
2002/58/EG – swoje prawo znapřećiwjenja z pomocu awtomatizowanych
procesow wukonjeć, při kotrychž so techniske specifikacije
wužiwaja.
VI. Prawo na cofnjenje přihłosowanja w zwisku z
prawom na škit datow
Maće prawo, swoje přihłosowanje, kotrež z prawom na škit
datow zwisuje, kóždy čas cofnyć. Tute cofnjenje njenastupa
woprawnjenje wužiwanja Wašich datow hač do cofnjenja Wašeho
přihłosowanja.
VII. Lisćina wosobow, kotrež wabjenje
njedowoleja
Sće-li wužiwanju Wašich wosobinskich datow za zaměry wabjenja
znapřećiwił/a resp. swoje přihłosowanje cofnył/a, mamy po
prawje nastupajo škit datow a po předpisach škit datow
dohladowacych zarjadow Němskeje winowatosć, trěbne daty (mjeno,
adresu, mailowu adresu) na našu lisćinu wosobow přewzać, kotrež
wužiwanje swojich datow za wabjenje njedowoleja, a je trajnje –
jenož za tutón zaměr – składować (blokować) a za přirunowanje
z našimi wabjenskimi datajemi w přichodźe wužiwać. Tak móžemy
zaručić, zo Waše znapřećiwjenje trajnje wobkedźbujemy.
VIII. Awtomatizowany rozsud
w jednotliwym padźe a profiling
Maće prawo, jeničce na zakładźe awtomatizowaneho wužiwanja
Wašich datow tworjenemu rozsudej – inkluziwnje profilinga –
njepodležeć, ma-li za Was prawniske wuskutki abo hdy by Was na
podobne wašnje jara poćežowało.
IX. Změna zaměra wužiwanja datow
Jeli zaměr wužiwanja Wašich datow w běhu časa změnimy,
budźemy Was wo tym (z aktualizowanjom tutych pokiwow nastupajo škit
datow) informować, hižo prjedy hač je wozjewimy.
H. Změna pokiwow nastupajo škit datow
Hdys a hdys budźe trjeba, wobsah tutych pokiwow za daty
aktualizować, kiž budu so w přichodźe registrować. Tohodla
wobchowamy sej prawo, tute pokiwy kóždy čas změnić. Změnjene
wersije potom tule wozjewimy. Tuž sej naše pokiwy nastupajo škit
datow hdys a hdys zaso přečitajće.
staw: měrc 2020
