Zymski čas (Scenisko-koncertantny adwentny koncert z orchestrom, chórom a baletom)

Ničo njezamóže nas rjeńšo do hodowneho časa přewodźeć hač wulkotna hudźba. W scenisko-koncertantnym programje “Zymski čas”, z orchestrom, chórom a baletom Serbskeho ludoweho ansambla, zjednoća so najrjeńše twórby adwentneho časa ze zymskimi nałožkami Serbow. Při tym zaklinča sławne němske a mjezynarodne hodowne melodije runje tak kaž rarity serbskich komponistow.
W prěnim dźělu programa zaklinči smyčkowa hudźba wot Hinca Roja a Arcangelo Corellia. Chór a smyčkarjo předstaja Serbsku adwentnu kantatu Feliksa Bräuera a suitu zymskich spěwow komponista Dietera Kempy a podatej tak fascinowace dohlady do Serbskeho hudźbneho swěta. Naposledk je publikum přeprošeny, sebi zhromadnje z chórom a dudakom zaspěwać.
W druhim dźělu wěnuje so program SLA zymskim nałožkam Serbow. W nocy k dnjej swj. Handrija, poslednjeho dnja w nowembrje, je so přez wšelakore lubosćinske orakle přichod młodych, njewudatych holcow postajił. Dalši nałožk je tež dźensa hišće w Slepjanskej kónčinje hišće aktualny. Do hód so přazna rumnosć wosebje derje wurjedźi. Bože dźěćatko, přewodźane wot młodych předźerkow, přepoda dźěćom na adwentnych njedźelach małke dohodowne dariki.
Wjesoła a měrna hudźba, pisane drasty a wulkotna atmosfera přewodźa přez adwentny čas a skrótša čas k patoržicy. Moderatorka Kristina Nerádowa wudospołni předstajenja rejowarjow, spěwarjow a hudźbnikow a wjedźe publikum přez wječor.