ZHUB SO BABY, ZHUB SO - Činohrajne studijo při NSLDź hraje

wu, 18.06.2024
|
10 hodź.

wopisanje

wot Carine Lacroix
přełožiłoj Aquina Žurec a Bernadet Šnajdrec
Wopušćena tankownja wosrjedź dalokich polow. Je lěćo, w parjacej horcoće steja zerzawe tankowanske stołpy, z kotrychž dawno žana kapka bencina wjace njepřińdźe. Violećiny mofa njeby sej žanu špatnišu městnosć wupytać móhł, zo by slaknył. Jako jón Violette na dwór ćišći, njeliči z tym, zo by tu scyła někoho zetkać móhła. Erla so zjewi, někak tak stara kaž Violette, něšto wokoło 17 lět. Wona drje tu bydli, wěriš-li jeje stawiznam, znaje cyły swět wot New Yorka hač do Neapela. Spočatnje ju jeje wašnje napina, poněčim pak přeco bóle fascinuje, doniž so Violette nimale přećiwo swojej woli nutř sćahnyć njeda do Erlinych hołych fantazijow wo swobodźe, ćěkańcy a wulkich pjenjezach. Violećine žiwjenje jako frizerska praktikantka a składnostny kurěr drogow njeje runjewon maćizna, z kotrejež sony su. Něšto podobne kaž přećelstwo so mjez nimaj započina, nastawa nadźija, tłóčacu prózdnotu wopušćić móc. Ale potom je nadobo Issa tu, kiž holcomaj pizza přiwjeze we wopačnym času na wopačnym městnje. Bróń. Zastajenc. Panika.
Naši elewojo hrajneje doby 2023/2024 předstaja swoju zakónčacu swójsku inscenaciju pod režiju nawody Činohrajneho studija při NSLDź Torstena Schlossera. Lětsa budźe tomu 30 lět, zo je so 1994 na iniciatiwu Michała Lorenca Činohrajne studijo při NSLDź znowa załožiło.
ZHUB SO BABY, ZHUB SO - Činohrajne studijo při NSLDź hraje
© NSLDź

wjace informacijow

Dźiwadło na hrodźe
Deutsch-Sorbisches Volkstheater
Hród 7
02625 Budyšin

dźiwadło

Kontakt zum Veranstalter

Deutsch-Sorbisches Volkstheater Bautzen / Němsko-Serbske ludowe dźiwadło Budyšin